mob papua

1.  Obet telpon

Obet telpon d pu teman tapi tra angkat2 jd Obet d sms...SmS Pertama :: Bro... Ko ada dimana..??? (Trada Balasan)SmS Ke 2 :: Bro... Knpa Tra bls..??? (Trada Balasan)SmS ke 3 :: Bro ee... Ko mara z ka..??? (Trada Balasan)SmS ke 4 :: Bro ee... Klo ko marah z tu ko bilang ka... Masa dri pagi z tlpon2 ko tp ko tra angkat2... trus z sms jg ko tra bls2...
Bro z cuma mo biLang kalau ko pu HP ada tatinggal di z pu Rumah ni,, dr tdi tinggal bunyi2 trus ee... Mcm ko org penting sj.


2. Ada pace satu sakit pergi berobat ke mantri:

Pasien : "Saya mau berobat, Pa..."
Mantri : "Bapak pu keluhan apa ka?"
Pasien : "Sa pu badan panas, kepala pusing trus tra bisa makan nih, tapi sa tra punya uang Pa Mantri bisa tolong ka?"
Mantri : "Bapak tenang saja nanti sa suntik supaya cepat sembuh."

Trus pace buka celana langsung mantri suntik. Tra lama mantri tanya pasien,

"Bagaimana bapak su rasa segar ka?"

Pasien jawab: "Sa su rasa segar sekali... Boo Pa Mantri pu obat saja mantap sampe, baru obat pu nama apa ka?"
Mantri jawab: "Tadi Bapak bilang tra ada uang jadi sa cuma suntik deng air putih saja supaya tra usah bayar."

Hahaee... pace langsung pingsan dengar mantri pu jawaban...